 |
| သတင်း - ဓါတ်ပုံ ။ ။ Pyae Aung Naing Kani |
ပြီးခဲ့တဲ့ မတ်လ ၇ ရက်နေ့(၇.၃.၂ဝ၁၇)ရက်နေ့ နံနက်(၈:၀ဝ)အချိန်က စစ်ကိုင်းတိုင်း ကနီမြို့နယ် ဇီးဖြူကုန်းရွာ အနောက်ဘက် (၂)ဖာလုံခန့်အကွာမှာ တရုတ်လူမျိုးများ စိုက်ပျိုးထားသော ဖရဲခင်းထဲမှာ ချက်ကြိုးတန်းလန်းနှင့် မွေးကင်းစ ကလေးငယ်တစ်ဦး တွေ့ခဲ့ကြောင်း သိရပါသည်။
အဆိုပါ ကလေးငယ်အား ဇီးဖြူကုန်းကျေးရွာနေ ဖခင် ဦးကျော်ဆန်း၊ မိခင် ဒေါ်ကိုင်းဌေးတို့၏ သား ကိုကျော်ရဲထွန်းမှ မွေးကင်းစအရွယ် ချက်ကြိုးတန်းလန်းနှင့် သမီးငယ်ကို တွေ့ရှိခဲ့ခြင်း ဖြစ်သည်။
အဆိုပါ မွေးကင်းစ ကလေးငယ်အား ဘုတလင်မြို့နယ်၊ သခွတ္တနယ်ဆေးရုံသို့ သွားရောက်ပြသ ချက်ကြိုးဖြတ်ခဲ့ပြီး မတ်လ ၇ ရက်နေ့နေ့လည်(၃း၃ဝ)က ကနီဆေးရုံသို့ပြန်လည်ခေါ်ဆောင်ခဲ့ပါသည်။
သမီးငယ်လေးအား မွေးစားမည့်သူမှာ ကနီမြို့နယ်၊ ဇီးဖြူ ကုန်းရွာနေ ဖရဲခင်းထဲမှ ကလေးငယ်ကို တွေ့ရှိခဲ့သူ ကိုကျော်ရဲထွန်းနှင့် ဇနီးမစန်းစန်းဝင်းတို့မှ မွေးစားမည်ဟု သိရပါသည်။ ၎င်းဇနီးမောင်နှံတွင် (၃)လသားအရွယ် သားငယ်လေး တစ်ဦးရှိပါသည်။ ယခုကနီမြို့ပြည်သူ့ဆေးရုံတွင် ကျန်းမာစွာဖြင့် ဖရဲခင်းထဲမှတွေ့ရှိခဲ့သော သမီးလေး ရောက်ရှိနေပါသည်။
#သစ်ထူးလွင်
No comments:
Post a Comment